@Balitang Probinsiya | April 11, 2021
CAMARINES SUR—Patay ang drug dealer nang manlaban at makipagbarilan sa pulisya kamakalawa sa Bgy. San Agustin, Pili.
Ang suspek na nagtamo ng mga tama ng bala sa katawan ay nakilalang si Ronitz Ybanez, residente ng Tondo, Maynila.
Nabatid na nagsagawa ng buy-bust operation sa nasabing lugar at nang pagbentahan sila ng shabu ni Ybanez ay dito na tinangkang dakpin ang drug dealer, pero biglang pinagbabaril ng suspek ang mga operatiba.
Kaagad namang nakaganti ng putok ang mga awtoridad kaya napatay ang suspek.
Nakarekober ang mga awtoridad ng 500 gramo ng shabu, baril at mga bala sa pinangyarihan ng insidente.