Driver, tinodas ng pahinante

@Balitang Probinsiya | December 26, 2020

ALBAY—Isang driver ang namatay nang barilin ng pahinante kamakalawa sa Bgy. Tumpa, Camalig.

Kinilala ang biktimang nagtamo ng mga tama ng bala sa katawan na si Wilmar Silvano, tubong-Albay, samantalang ang suspek ay si Arnel Barba, residente ng Buhi, Camarines Sur.

Ayon sa ulat, nagkaroon ng pagtatalo sina Silvano at Barba tungkol sa suweldo na humantong sa pamamaril ng suspek sa biktima.

Nang matiyak na patay na ang biktima ay mabilis na tumakas ang suspek

Nagpalabas na ng manhunt operation ang pulisya para madakip si Barba.