Driver, tiklo sa drug-bust

@Balitang Probinsiya | December 19, 2021

CAPIZ—Isang driver ang nadakip sa isinagawang drug-bust operation ng pulisya kamakalawa sa Bgy. Tacas, Pontevedra.

Ang suspek ay kinilala ng pulisya na si Patrick Denaga, 32-anyos, nakatira sa nabanggit na barangay.

Nabatid na nadakip ng mga awtoridad ang suspek sa isinagawang drug-bust operation ng pulisya sa nasabing lugar.

Napag-alamang nakakumpiska ang pulisya ng pakete ng shabu at markadong pera sa pag-iingat ng suspek.

Nakapiit na ang suspek na nahaharap sa kasong paglabag sa Comprehensive Dangerous Drugs Act of 2002.