Driver, natagpuang patay sa kuwarto

@Balitang Probinsiya | November 14, 2021

AKLAN—Isang driver ang natagpuang patay kamakalawa sa loob ng kanyang inuupahang kuwarto sa bayan ng Altavas.

Hindi muna pinangalanan ng pulisya ang biktima na nasa hustong gulang habang hindi pa naipababatid sa pamilya nito ang pagkamatay ng driver.

Nabatid na mag-isang naninirahan sa nasabing lugar ang biktima at sa kabilang bayan nakatira ang pamilya nito.

Ayon sa ulat, ilang residente ang nakatagpo sa bangkay ng biktima sa loob ng inuupahan nitong bahay.

Patuloy pa rin ang imbestigasyon ng pulisya upang mabatid sanhi ng pagkamatay ng biktima.