Driver, dinedbol sa bahay

@Balitang Probinsiya | December 7, 2020

QUEZON—Isang driver ang namatay nang barilin ng dalawang hindi kilalang armadong lalaki kamakalawa sa loob ng kanyang bahay sa Bgy. Guisguis Talon, Sariaya.

Nakilala ang biktimang nagtamo ng mga tama ng bala sa ulo na si Allan Junio, residente sa naturang barangay.

Ayon sa ulat, habang nasa loob ng kanyang bahay si Junio ay biglang pumasok ang mga suspek at pinagbabaril ang biktima.

Mabilis na tumakas ang mga salarin matapos tiyaking patay na si Junio.

Patuloy ang imbestigasyon ng pulisya para mabatid ang motibo ng mga suspek sa pagpatay sa biktima.