Driver dedbol sa trak

@Balitang Probinsiya | March 19, 2023

NEGROS OCCIDENTAL --Isang driver ang namatay nang aksidenteng mabangga ng isang trak ang minamaneho niyang van kamakalawa sa Bgy. Fabrica, Sagay sa lalawigang ito.

Ang biktima ay kinilala ng pulisya na si Errol Panilagan, 51, nakatira sa Bgy. Poblacion 1 sa nabanggit na lungsod.

Batay sa imbestigasyon, mabilis umano ang takbo ng trak kaya aksidente nitong nabangga ang van na minamaneho ng biktima.

Nabatid na nagkaroon ng malaking sugat sa ulo at katawan ang biktima na agad nitong ikinamatay.

Hindi na pinangalanan ang driver ng trak matapos nitong ipangako na sasagutin niya ang gastos at danyos sa pagkamatay ng biktima.