Driver-bodyguard ng chairman, in-ambush

@Balitang Probinsiya | June 23, 2022

MAGUINDANAO–Isang driver-bodyguard ng barangay chairman ang sugatan sa isinagawang ambush ng mga hindi kilalang lalaki kamakalawa sa Bgy. Kamasi, Ampatuan.

Kinilala ang biktima na nagtamo ng mga tama ng bala sa katawan na si Saudi Dimalibda, nasa hustong gulang at residente ng nabanggit na bayan.

Ayon sa ulat, habang minamaneho ni Dimalibda ang SUV (Sports Utility Vehicle) ng kanyang among si Chairman Zoraida Mamafluba ng naturang barangay ay biglang humarang ang mga suspek na lulan ng kotse at agad pinagbabaril ang biktima.

Nabatid na mabilis na tumakas ang mga suspek matapos ang pamamaril.

Ginagamot na sa ospital ang biktima, samantalang pinaghahanap na ng pulisya ang mga suspek.