Driver at pasahero, sugatan sa van

@Balitang Probinsiya | December 20, 2021

QUEZON--Isang driver at isang pasahero nito ang sugatan nang aksidenteng mabangga ng isang van ang sinasakyan nilang tricycle kamakalawa sa Bgy. Lacawan, Tayabas City.

Kinilala ng pulisya ang mga biktima na sina John Jaraza, driver, at Lezel Lefura, pasahero ng tricycle. at kapwa nakatira sa nabanggit na lungsod.

Ayon sa ulat, mabilis ang takbo ng van na minamaneho ni Patrick Guzman, 30-anyos, kaya aksidente nitong nabangga ang pinapasadang tricycle ni Jaraza na kinalululanan din ng pasaherong si Lefura.

Nabatid na nagtamo ng mga pinsala sa ulo at katawan ang mga biktima na kapwa ginagamot na sa ospital.

Nakatakdang sampahan ng pulisya ng kasong reckless imprudence resulting to double physical injury and damage to property si Guzman.