ni Twincle Esquierdo - @News | July 8, 2020
Tinanggal ng Davao City Prosecutor’s Office ang rape, child abuse at human trafficking laban kay Pastor Apollo Quiboloy.
Sa isang joint resolution noong Hunyo 29, 2020 at itinanggal lamang nitong Martes, ngunit ibinasura ng prosecutor ang kaso laban kay Quibuloy pati na rin sina Cresente Canada, Jackielyn W. Roy, Paulenet Canada, Ingrid Canada at Sylvia Cemanes.
Ang kasong isinampa noong Disyembre 2019 ay tungkol sa panggagasaha at child abuse ay nasa ilalim ng Republic Act No. 7610, physical abuse, trafficking in persons through forced labor and trafficking in persons through sexual abuse.
Nagpasya sina Davao City Prosecutor Nestor Ledesma kasama ang tatlong Senior Assistant City prosecutors na balewalain ang mga reklamo.
Sa isang panayam sinabi ni Quiboloy’s chief counsel Atty. Israelito P. Torreon na “was able to marshal overwhelming evidences and proof proving the falsity of the charges.”
Ayon pa kay Torreon ang nagrereklamo ay naghain ng kasong rape laban sa pastor matapos ang warrant of arrest na inilabas ng Regional Trial Court ng Panabo City, Davao Del Sur para sa kasong libel na isinampa laban kay Quiboloy.
Ang nagrereklamo at nagsampa ng kaso ay ang dating miyembro ng sekta ni Quibuloy na hinalay siya diumano noong 2014 at itinanggi naman ito ni Quiboloy.