Dating kapitana, todas sa riding-in-tandem

@Balitang Probinsiya | June 16, 2023

ILOILO -- Isang dating barangay chairwoman ang namatay nang barilin ng riding-in-tandem kamakalawa sa Bgy. Bacolod, Leon sa lalawigang ito.

Ang biktimang nagtamo ng mga tama ng bala sa katawan ay nakilalang si ex-Chairwoman Teresa Amualla, 59, residente ng Bgy. Cabolo-an sa nasabing bayan.

Ayon sa ulat, nakaupo umano si Amualla sa waiting shed nang sumulpot ang dalawang hindi kilalang salarin na nakasakay sa isang motorsiklo at agad pinagbabaril ang biktima.

Mabilis na tumakas ang mga suspek nang matiyak na patay na si Amualla.

Iniimbestigahan pa ng pulisya ang motibo ng mga suspek sa pamamaslang sa biktima.