Dadalaw sa preso, tiklo sa marijuana

@Balitang Probinsiya | November 23, 2021

CAMARINES SUR—Isang 20-anyos na binata na dadalaw sa kaibigang nakakulong ang inaresto ng mga awtoridad nang makumpiskahan ng marijuana kamakalawa sa gate ng Naga City Jail.

Ang suspek ay kinilalang si Michael Porcalla, nakatira sa nasabing lungsod.

Napag-alamang dadalaw sana si Porcalla sa kaibigang preso at nang kapkapan ito ay nakumpiskahan ng ilang stick na marijuana ang suspek.

Inamin ng suspek na ang marijuana na nakumpiska sa kanya ay ibibigay niya sa kaibigan niyang nakakulong.

Nakapiit na ana suspek na nahaharap sa kasong paglabag sa Comprehensive Dangerous Drugs Act of 2002.