Contractor, utas sa riding-in-tandem

@Balitang Probinsiya | July 22, 2023

QUEZON — Isang contractor ang namatay nang barilin ng riding-in-tandem kamakalawa sa Bgy. Poblacion, Candelaria sa lalawigang ito.

Ang biktimang nagtamo ng mga tama ng bala sa katawan ay nakilalang si Cornelio Cuevas, 48, at nakatira sa naturang barangay.

Ayon sa ulat, habang nakaupo si Cuevas sa nakaparada niyang sasakyan ay biglang sumulpot ang dalawang hindi kilalang salarin na nakasakay sa isang motorsiklo at agad pinagbabaril ang biktima.

Mabilis na tumakas ang mga suspek nang matiyak na patay na ang biktima.

Iniimbestigahan pa ng pulisya ang motibo ng mga suspek sa pamamaslang kay Cuevas.