Construction worker, tinodas

@Balitang Probinsiya | June 20, 2023

NEGROS OCCIDENTAL -- Isang construction worker ang namatay nang barilin ng isang hindi kilalang armadong lalaki sa tapat ng kanilang bahay kamakalawa sa Brgy. Cabug, Bacolod City sa lalawigang ito.

Ang biktimang nagtamo ng dalawang tama ng bala sa katawan ay nakilalang si Jury dela Cruz, 48, at residente sa nasabing barangay.

Ayon sa ulat, nasa tapat umano ng kanilang bahay si Dela Cruz nang biglang sumulpot ang salarin at agad pinagbabaril ang biktima.

Matapos ang krimen ay mabilis na tumakas ang salarin.

Dinala pa ng mga saksi ang biktima sa ospital, pero idineklara siyang dead-on-arrival.