Construction worker, tinaga ng tiyuhin

@Balitang Probinsiya | June 1, 2023

ILOILO — Isang construction worker ang sugatan nang tagain ng kanyang tiyuhin kamakalawa sa Bgy. Cruz, Barotac Nuevo sa lalawigang ito.

Kinilala ang biktimang nagtamo ng taga sa kanang kamay na si Robert Lecoto, 34-anyos, samantalang ang suspek ay ang tiyuhin nito na si Noriel de Prado, 62, kapwa nakatira sa nasabing barangay.

Ayon sa ulat, habang nag-iinuman ay nagkaroon ng pagtatalo ang magtiyuhin na humantong para tagain ng suspek ang biktima.

Matapos ang pananaga sa kanyang pamangkin ay agad sumuko sa pulisya ang suspek.

Nahaharap ngayon ang suspek sa kasong frustrated murder, samantalang inoobserbahan pa sa pagamutan ang biktima.