Construction worker, natagpuang patay

@Balitang Probinsiya | December 29, 2020

ALBAY—Isang construction worker na nakuryente ang natagpuang patay kamakalawa sa Bgy. Sta. Teresita, Polangui.

Ang biktimang may 3rd degree burns sa katawan ay nakilalang si Rudy Cayas, nakatira sa nabanggit na barangay.

Nabatid na mismong ama ni Cayas ang nag-report sa pulisya tungkol sa natagpuan niyang bangkay ng biktima sa damuhan malapit sa bahay nito.

Napag-alamang tatlong araw na umanong nawawala si Cayas kaya’t hinanap ito ng kanyang ama hanggang sa matagpuan ang bangkay ng biktima.

Sa imbestigasyon, posible umanong nakuryente si Cayas habang may ginagawa sa labas ng kanilang bahay at humingi ng saklolo hanggang sa matumba sa damuhan at dito na ito namatay.