Comelec officer todas sa ambush

@Balitang Probinsiya | Pebrero 15, 2023

SULTAN KUDARAT—Isang Comelec officer ang namatay sa pang-a-ambush na ginawa ng mga hindi kilalang salarin kamakalawa sa Bgy. Pinguiaman, Lambayong sa lalawigang ito.

Kinilala ng pulisya ang biktima na nagtamo ng mga tama ng bala sa katawan na si Haviv Maindan, municipal Comelec officer ng bayan ng Barongis, Maguindanao del Sur.

Ayon sa ulat, habang lulan si Maindan ng kanyang SUV (Sports Utility Vehicle), kasama ang kanyang bodyguard na si Rolly Dilangalen nang pagbabarilin sila ng mga suspek.

Matapos ang pamamaril ay mabilis na tumakas ang mga suspek, samantalang hindi naman tinamaan ng bala si Dilangalen.

Agad dinala ni Dilangalen at iba pang saksi si Maindan sa ospital, pero idineklara itong dead-on-arrival.