College student, tiklo sa buy-bust

@Balitang Probinsiya | ngayong Marso 4, 2024

NEGROS OCCIDENTAL -- Isang 24-anyos na college student ang nadakip sa buy-

bust operation ng mga otoridad kamakalawa sa Brgy. 2-Poblacion, La Carlota City sa lalawigang ito.

Ang suspek ay kinilala lang ng pulisya sa alyas na “Ramon” habang iniimbestigahan ito ng mga otoridad.

Ayon sa ulat, naaresto ang suspek nang pagbentahan nito ng umano’y shabu ang mga operatiba na nagpanggap na buyer ng droga.

Nabatid na nakakumpiska ang mga otoridad ng 50 gramo ng hinihinalang shabu at markadong pera sa pag-iingat ng suspek.

Nakapiit na ang suspek na nahaharap sa kasong paglabag sa Comprehensive

Dangerous Drugs Act of 2002.