City official, todas sa ambush

@Balitang Probinsiya | ngayong Marso 4, 2024

COTABATO CITY -- Isang city official ang namatay sa pananambang at pamamaril ng mga hindi kilalang armadong lalaki kamakalawa sa Sinsuat Avenue, Brgy. Rosary Heights Mother sa lungsod na ito.

Ang biktimang nagtamo ng mga tama ng bala sa katawan ay kinilala ng pulisya na si Jose Marquez, nasa hustong gulang at opisyal ng Cotabato City Disaster Risk Reduction and Management Office (CCDRRMO).

Ayon sa ulat, habang lulan ng kanyang motorsiklo ang biktima ay biglang sumulpot ang mga suspek at agad siyang pinagbabaril.

Mabilis na tumakas ang mga suspek nang matiyak na patay na ang biktima.

Inaalam na ng mga otoridad ang motibo ng mga suspek sa pananambang kay Marquez.