Chairman, niratrat ng mga armado

@Balitang Probinsiya | November 7, 2020

CAMARINES SUR—Isang barangay chairman ang namatay nang pagbabarilin ng mga hindi kilalang armadong lalaki kamakalawa sa Bgy. Sagrada, Lupi.

Ang biktimang nagtamo ng mga tama ng bala sa katawan ay nakilalang si Chairman Allan dela Rosa, nakatira sa Bgy. De Carmen sa nasabing bayan.

Napag-alamang lulan ng owner-type jeep si Dela Rosa nang biglang sumulpot ang mga suspek at agad pinagbabaril ang biktima.

Matapos tiyaking patay na si Dela Rosa ay mabilis na tumakas ang mga suspek.

Iniimbestigahan na ng mga awtoridad ang motibo ng mga suspek sa pagpatay sa biktima.