Chairman, nilikida ng armado

@Balitang Probinsiya | November 6, 2021

NUEVA ECIJA—Isang barangay chairman ang namatay nang barilin ng hindi kilalang armadong lalaki kamakalawa sa Bgy. Lambakin, Jaen.

Kinilala ng pulisya ang biktima na si Chairman Zoilo de Belen, naktira sa nabanggit na barangay.

Napag-alamang habang nagdidilig ng mga halaman si De Belen ay biglang huminto sa harap nito ang isang kotse at bumaba ang salarin at agad pinagbabaril ang biktima.

Matapos ang pamamaril ay tumakas ang suspek, samantalang dinala pa ng mga saksi ang biktima sa ospital, pero idineklara itong dead-n-arrival.

Nagpalabas na ng manhunt operation ang pulisya para madakip ang suspek.