Chairman, arestado sa shabu

@Balitang Probinsiya | November 14, 2021

SORSOGON—Isang 42-anyos na barangay chairman ang dinakip ng pulisya nang makumpiskahan ng shabu kamakalawa sa Bgy. Banuang Gurang, Donsol.

Kinilala ng pulisya ang suspek na si Chairman Constantino Cadag, residente ng nasabing barangay.

Napag-alamang naaresto ang suspek sa isinagawang buy-bust operation ng mga awtoridad sa naturang lugar.

Nakakumpiska ang mga operatiba ng apat na sachets ng shabu at markadong pera sa pag-iingat ng suspek.

Nakapiit na ang suspek na nahaharap sa kasong paglabag sa Comprehensive Dangerous Drugs Act of 2002.