Cellphone nag-overheat, bahay nasunog

@Balitang Probinsiya | February 28, 2021

CAPIZ—Isang bahay ang tinupok ng apoy dahil sa nag-overheat na cellphone na naka-charge sa saksakan ng kuryente kamakalawa sa Bgy. Lawaan, Dumarao.

Ang bahay na nasunog ay pag-aari ng pamilyang Dampong na residente sa nasabing barangay.

Ayon sa ulat, bigla umanong sumiklab ang apoy sa kuwarto ng bahay kaya nasunog ang buong kabahayan.

Sa imbestigasyon ng mga awtoridad ay napag-alamang cellphone na naka-charge ang sanhi ng sunog.

Wala namang iniulat na nadisgrasya sa naganap na insidente.