“Ceiling leaks” sa opisina, nilinaw ng PhilHealth

ni Ronalyn Seminiano Reonico | August 22, 2020

Pinabulaanan ng PhilHealth ang mga alegasyon matapos kumalat ang video kung saan makikita ang “ceiling leaks” sa opisina nito sa Dagupan City, Pangasinan.

Ayon sa ulat, hinala ng ilang senador, ito ay “intentional” at “possible cover-up.” Matatandaang nahaharap sa kontrobersiyal na alegasyong iregularidad at korupsiyon ang naturang korporasyon.

Ngunit saad naman ni PhilHealth Regional Vice President Alberto Manduriao, “All legal

documents were safely secured and there is no truth to the allegation that there was a cover up of evidence.

“We assure the public that all documents are intact and are all accounted for.”

Saad din ni Manduriao, binisita rin diumano ng Philippine National Police at Bureau of Fire Protection ang naturang opisina upang magsagawa ng imbestigasyon habang ang National Bureau of Investigation ay nag-imbestiga nu’ng sumunod na araw.

Aniya pa, “We have always been cooperative in all probe by authorities and our office is open to any investigation.”