Boga ng parak ninakaw ng 'akyat-bahay'

@Balitang Probinsiya | Enero 13, 2023

AKLAN—Isang miyembro ng "Akyat-Bahay Gang" ang pinaghahanap ng pulisya dahil sa pagnanakaw ng service firearm ng pulis kamakalawa sa Bgy. Bakhaw Sur, Kalibo.

Hindi na pinangalanan ang biktimang pulis na residente ng nabanggit na barangay.

Sa salaysay ng biktimang pulis, iniwan niya ang kanyang baril na nakalagay sa sling bag sa loob ng kanyang kuwarto at saka umakyat sa ikalawang palapag ng kanilang bahay, pero pagbalik niya sa kanyang silid ay nawawala na ang kanyang baril.

Ayon sa biktima, agad siyang lumabas at nakita niya ang suspek at hinabol niya ito, pero itinututok sa kanya ang service firearms hanggang makatas ang magnanakaw.

Kaugnay nito, naglunsad na ng manhunt operation ang pulisya para madakip agad ang suspek.