Biyudong rapist, arestado
- BULGAR
- Aug 18, 2023
- 1 min read
@Balitang Probinsiya | August 18, 2023
ANTIQUE -- Isang biyudong rapist ang nadakip ng pulisya kamakalawa sa kanyang hideout sa Bgy. Valderama, Culasi sa lalawigang ito.
Kinilala ng pulisya ang suspek na si Jude Sibugan, nasa hustong gulang at pansamantalang nakatira sa nabanggit na barangay.
Napag-alaman na inaresto ng mga tauhan ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong rape sa lalawigan.
Nabatid na may nagbigay impormasyon sa pulisya sa pinagtataguan ng suspek kaya agad itong sinalakay ng mga awtoridad at nadakip ang rapist.
Nakapiit na ang suspek sa detention cell ng himpilan ng pulisya.
Comments