ni Twincle Esquierdo | September 2, 2020
Dalawang oras ang idinagdag ng Grab sa kanilang biyahe sa Metro Manila, Cebu at Pampanga na magsisimula ngayong araw, Setyembre 2, simula alas-5 ng umaga hanggang alas-12 ng hatinggabi, mula sa dati nitong oras na alas-5 ng umaga hanggang alas-10 ng gabi.
Gayunman, kailangan pa ring sumunod sa minimum protocol na social distancing kaya cashless ang pagbabayad sa Grab. Maaari lamang magbayad gamit ang GrabPay at Credit o Debit Card.
Nagbibigay din ng paalala ang Grab sa mga pasahero gamit ang ride-hailing app na dapat sundin ng mga ito, tulad ng pagsusuot ng face mask, face shield at social distancing.