Binatang rapist, arestado

@Balitang Probinsiya | Ika-16 ng Pebrero, 2024

NEGROS OCCIDENTAL -- Isang wanted na binatang rapist ang nadakip ng pulisya kamakalawa sa kanyang hideout sa Brgy. Talaban, Himamaylan City sa lalawigang ito.

Hindi na pinangalanan ng mga otoridad ang suspek na 19-anyos, pansamantalang nakatira sa nasabing barangay.

Ayon sa ulat, dinakip ng pulisya ang suspek sa bisa ng warrant of arrest na inisyu ng korte kaugnay sa kinasasangkutan nitong kasong rape sa lalawigan.

Napag-alaman na may nagbigay impormasyon sa mga pulisya sa pinagtataguan ng suspek kaya rumesponde ang mga ito at inaresto ang nasabing rapist.

Hindi naman nanlaban ang suspek sa mga otoridad at sa ngayon ay nakapiit na sa detention cell ng himpilan ng pulisya.