Biktima ng salvage, natagpuan

@Balitang Probinsiya | July 4, 2023

NEGROS OCCIDENTAL -- Isang bangkay ng hindi kilalang lalaki na biktima ng salvage ang natagpuan kamakalawa sa talahiban sa Bgy. Tortosa, Manapla sa lalawigang ito.

Walang nakitang anumang identification card o ID ang biktima, na tinatayang nasa 35-anyos pataas.

Nabatid na ilang residente ang nag-report sa pulisya tungkol sa natagpuan nilang bangkay ng lalaki na nakagapos ang magkabilang kamay at may tama ng bala sa ulo.

Hinala ng mga awtoridad na sa ibang lugar pinatay ang biktima at itinapon lang sa nasabing barangay ang bangkay nito upang iligaw sila sa imbestigasyon.

Patuloy ang pagsisiyasat ng mga awtoridad patungkol sa pag-salvage sa biktima.