Biktima ng salvage natagpuan

@Balitang Probinsiya | December 28, 2022

QUEZON—Isang bangkay ng hindi kilalang lalaki na biktima ng salvage ang natagpuan kamakalawa sa gilid ng kalsada sa Bgy, Silangang Malicboy, Pagbilao.

Ang biktima ay tinatayang nasa pagitan ng 30 hanggang 40 ang edad, may taas na 5’4 hanggang 5’5 at nakasuot ng itim na t-shirt at pantalon.

Nabatid na ilang residente ang nag-report sa pulisya tungkol sa natagpuan nilang bangkay ng biktima na may nakabalot ng plastic bag sa mukha at nakatali ang mga kamay na nasa gilid ng kalsada.

May hinala ang mga awtoridad na sa ibang lugar pinatay ang biktima at itinapon lang sa nasabing barangay ang bangkay nito upang iligaw sa imbestigasyon ang pulisya.

Patuloy pa ang isinagawang imbestigasyon ng mga awtoridad para mabatid ang armas na ginamit sa pagpatay at ang motibo sa naganap na krimen.