Bigtime tulak, tiklo sa buy-bust

@Balitang Probinsiya | May 22, 2023

NEGROS OCCIDENTAL—Isang bigtime drug pusher ang naaresto sa isinagawang buy-bust operation ng mga awtoridad kamakalawa sa Bgy. Taculing, Bacolod City sa lalawigang ito.

Kinilala ang suspek na si Remyt Juelo, 42-anyos, nasa hustong gulang, residente ng Bgy, Mandalagan sa nasabing lungsod.

Ayon sa ulat, naaresto ang suspek sa isinagawang buy-bust operation ng mga operatiba sa nabanggit na barangay.

Nabatid na nakakumpiska ang mga awtoridad ng 12 gramo ng shabu at markadong pera sa pag-iingat ng suspek.

Nakapiit na si Juelo na nahaharap sa kasong paglabag sa Comprehensive Dangerous Drug Act of 2022.