@Balitang Probinsiya | ngayong Marso 20, 2024
CAMARINES SUR -- Isang bigtime drug pusher ang nadakip sa buy-bust operation ng mga otoridad kamakalawa sa Brgy. Balogo, Pasacao sa lalawigang ito.
Hindi na muna pinangalanan ang suspek na 46-anyos habang iniimbestigahan ito ng pulisya.
Ayon sa ulat, naaresto ang suspek nang pagbentahan nito ng umano’y shabu ang mga operatiba na nagpanggap na buyer.
Nabatid na nakakumpiska ang mga otoridad ng mahigit 80 gramo ng hinihinalang shabu at markadong pera sa pag-iingat ng suspek.
Nakapiit na ang suspek na nahaharap sa kasong paglabag sa Comprehensive Dangerous Drugs Act of 2002.
Comentarios