Bigtime pusher, huli sa buy-bust

@Balitang Probinsiya | March 2, 2021

ZAMBALES—Isang bigtime na drug pusher ang nadakip sa isinagawang buy-bust operation kamakalawa sa Bgy. Mangan-vaca, Subic.

Nakilala ang suspek na si Abdul Ismael, residente ng Calapacuan sa nabanggit na bayan.

Napag-alamang ilang operatiba ang nagpanggap na buyer ng shabu at nang pagbentahan sila ng droga ni Ismael ay agad dinakip ng mga awtoridad ang suspek.

Ayon sa ulat, nakakumpiska ang mga awtoridad ng 17 sachets ng shabu at markadong pera sa pag-iingat ni Ismael.

Nakapiit na ang suspek na nahaharap sa kasong paglabag sa Comprehensive Dangerous Drugs Act of 2002.