Bebot, niratrat ng mga armado

@Balitang Probinsiya | May 16, 2023

DAVAO CITY—Isang babae ang namatay nang pagbabarilin ng mga armadong lalaki, kamakalawa sa Bgy. Ma-a, sa lungsod na ito.

Ang biktimang nagtamo ng mga tama ng bala sa katawan ay nakilalang si Anabelle Elizagaque, nasa hustong gulang at residente ng Bgy. Dumong sa nabanggit na lungsod.

Ayon sa ulat, habang lulan si Elizagaque ng kanyang SUV (Sports Utility Vehicle), biglang sumulpot ang mga hindi kilalang salarin at agad pinagbabaril ang biktima.

Mabilis na tumakas ang mga suspek nang matiyak na patay na ang biktima.

Iniimbestigahan pa ng pulisya ang motibo ng mga suspek sa pamamaslang kay Elizagaque.