Bebot natagpuang patay sa tulay

@Balitang Probinsiya | March 4, 2023

CAMARINES SUR—Isang 23-anyos na dalaga ang natagpuang patay kamakalawa sa ibana ng tulay ng Brgy. Punong, Magarao sa lalawigang ito.

Sa kahilingan ng pamilya ng biktima, ay itinago na lamang ang dalaga sa pangalang "Tin," residente sa nasabing barangay.

Nabatid na ilang residente ang nakatagpo sa bangkay ng biktima sa ibaba ng tulay sa nasabing barangay.

Sa pagsisiyasat ng pulisya, ay huli umanong nakitang buhay ang biktima habang naglalakad sa tulay.

Inaalam ngayon ng pulisya kung nagpakamatay ang biktima sa pamamagitan ng pagtalon sa tulay, o kung may naganap na foul play sa kamatayan ng dalaga.