Bebot, natagpuang patay
- BULGAR
- Aug 31, 2023
- 1 min read
@Balitang Probinsiya | August 31, 2023
LAGUNA -- Isang babae ang natagpuang patay kamakalawa sa loob ng kanyang bahay sa Bgy. Laram, San Pedro sa lalawigang ito.
Ang biktima ay kinilala ng pulisya na si Razel Bautista, residente ng nabanggit na barangay.
Napag-alaman na ilang residente ang nakatagpo sa duguang bangkay ng biktima na may mga tama ng saksak sa katawan sa loob ng kanyang bahay.
Nabatid na mag-isa lang naninirahan ang biktima sa kanyang bahay.
Sa imbestigasyon, napag-alaman na mga magnanakaw ang posibleng pumatay sa babae dahil may mga nawawalang gamit sa bahay ng biktima.
Comments