Bebot natagpuang patay
- BULGAR
- Feb 20, 2023
- 1 min read
@Balitang Probinsiya | Pebrero 20, 2023
AKLAN—Isang 32-anyos na babae ang natagpuang patay kamakalawa sa baybayin ng ilog na sakop ng Bgy. Baybay, Makato sa lalawigang ito.
Ang biktima ay kinilala ng pulisya na si Myla Nagales, residente ng Bgy. Galicia, Madalag sa nabanggit na lalawigan.
Nabatid na ilang residente ang nakatagpo sa bangkay ng biktima sa baybayin ng ilog sa nasabing barangay.
Sa pagsisiyasat ng pulisya, huli umanong nakitang buhay si Nagales habang tumatawid sa ilog ng Bgy. Galicia.
Dahil dito, ayon sa puiisya ay posible umanong tinangay ng malakas na agos ng tubig-ilog ang biktima kaya ito nalunod at namatay.
Comments