Bebot, nagbigti sa bahay
Nov 19, 2021
1 min read
@Balitang Probinsiya | November 19, 2021
ILOCOS SUR—Isang 22-anyos na dalaga ang nagpakamatay sa pamamagitan nang pagbigti kamakalawa sa Bgy. Manangat, Caoayan.
Sa kahilingan ng pamilya ng biktima ay hindi na pinangalanan ng pulisya ang dalagang nagbigti.
Nabatid na ilang kamag-anak ng dalaga ang nakatagpo sa nakabiting bangkay nito sa loob ng kanilang bahay.
Ayon sa mga kamag-anak ng biktima ay wala silang alam na dahilan para magpakamatay ang biktima.
Patuloy ang imbestigasyon ng pulisya upang mabatid ang motibo ng biktima sa kanyang pagpapakamatay.
Comments