@Balitang Probinsiya | March 8, 2021
ILOCOS SUR—Patay ang dalagang rider nang aksidenteng bumangga sa pader ang kinalululanan nitong motorsiklo kamakalawa sa Vigan City.
Nakilala ang biktima na si Thaleah Renon, 19-anyos at residente ng Bgy. Salendig sa naturang bayan.
Batay sa imbestigasyon, nawalan umano ng kontrol sa pagmamaneho ng motorsiklo ang biktima dahilan upang bumangga ito sa pader.
Nabatid na nagkaroon ng malaking pinsala sa ulo at iba’t ibang parte ng katawan ang biktima.
Kaagad dinala ng mga saksi ang ang biktima sa ospital, pero idineklara itong dead-on-arrival.