Bebot na rider biktima ng carnapping

@Balitang Probinsiya | March 6, 2023

AKLAN—Isang babaeng rider ang biktima ng carnapping matapos nakawin ng isang hindi kilalang lalaki ang motorsiklo niyang nakaparada kamakalawa sa Bgy. Man-up, Altavas sa lalawigang ito.

Sa kahilingan ng biktima, ay hindi na isinapubliko ng pulisya ang kanyang pangalan.

Ayon sa biktima, ipinarada lang niya ang kanyang motor sa tapat ng kanilang bahay, pero makalipas ang ilang oras ay nawala na ito at nang suriin ang CCTV ay dito nakita na ninakaw ng suspek ang kanyang sasakyan.

Dahil dito, agad ini-report ng biktima ang pagnanakaw ng suspek sa kanyang motorsiklo.

Naglunsad na ngayon ang pulisya ng manhunt operation para madakip ang suspek.