Bebot na NPA, nasakote

@Balitang Probinsiya | November 21, 2021

MASBATE—Inaresto ng awtoridad ang isang babaeng miyembro ng New People’s Army (NPA) kamakalawa sa Bgy. Bolo, Masbate City.

Hindi muna pinangalanan ang suspek habang iniimbestigahan ito ng mga awtoridad.

Ayon sa ulat, darakpin sana ng mga operatiba ang NPA na nagngangalang Allan Goyala, alyas Ka Jake sa nasabing barangay, pero biglang pinagbabaril ng mga komunista ang mga awtoridad.

Nang gumanti ng putok ang mga awtoridad ay mabilis na tumakas ang grupo ni Goyala, pero naiwan ang babaeng NPA kaya agad itong inaresto ng mga operatiba.

Patuloy pang tinutugis ng mga awtoridad ang mga tumakas na NPA.