Bebot na kawatan nasakote

@Balitang Probinsiya | May 31, 2023

AKLAN—Isang babaeng notoryus na magnanakaw ang nadakip ng mga tauhan ng pulisya kamakalawa sa Bgy. Pook, Kalibo sa lalawigang ito.

Nakilala ang suspek na si Hannah Maatubang, 30-anyos, at nakatira sa nabanggit na barangay.

Napag-alaman na dinakip ng pulisya ang suspek sa bisa ng warrant of arrest na inisyu ng korte kaugnay sa mga kasong nitong qualified theft.

Ayon sa ulat, maraming kaso ng pagnanakaw sa lalawigan ang suspek.

Nabatid na nakita ng nagpapatrulyang tauhan ng pulisya si Maatubang na umuwi sa kanilang bahay kaya agad itong pinuntahan at inarest.