Bebot na ex-convict, timbog sa drug-bust

@Balitang Probinsiya | May 20, 2023

NEGROS OCCIDENTAL—Isang babaeng ex-convict ang nadakip sa drug-bust operation ng mga awtoridad, kamakalawa sa Bgy. 2, Bacolod City sa lalawigang ito.

Ang suspek ay nakilalang si Celeste Panaligan, nasa hustong gulang, residente ng nabanggit na barangay.

Ayon sa ulat, nagpanggap na buyer ng shabu ang mga operatiba, at nang pagbentahan sila ng droga ng suspek ay agad na dinakip ang drug pusher.

Nabatid na dating nakulong sa kasong pagbebenta ng droga ang suspek, at nang makalaya ay muling nagbenta ng shabu.

Napag-alaman na nakakumpiska ang mga awtoridad ng isang sachet ng shabu at markadong pera sa pag-iingat ng suspek.