Bebot na estapador, nasakote

@Balitang Probinsiya | April 22, 2023

NEGROS OCCIDENTAL—Isang babaeng estapador ang dinakip ng mga awtoridad, kamakalawa sa Bgy. Bata, Bacolod City sa lalawigang ito.

Hindi muna pinangalanan ang suspek habang iniimbestigahan ito ng mga awtoridad.

Nabatid na dinakip ng mga operatiba ang suspek sa bisa ng warrant of arrest na inisyu ng korte kaugnay sa kinasasangkutan nitong kasong estafa sa lalawigan.

Napag-alaman na matagal nang pinaghahanap ng mga awtoridad ang suspek at kamakalawa lang ito naaresto.

Hindi naman nanlaban ang suspek nang dakpin siya ng mga awtoridad sa nabanggit na barangay.