Bebot na caretaker, nilikida

@Balitang Probinsiya | May 30, 2023

QUEZON—Isang babaeng caretaker ang namatay nang barilin ng dalawang hindi kilalang armadong lalaki kamakalawa sa Bgy. Guisguis Talon, Sariaya sa lalawigang ito.

Ang biktimang nagtamo ng mga tama ng bala sa katawan ay nakilalang si Aiza Magboo, 34-anyos, nakatira sa naturang bayan.

Ayon sa ulat, habang nasa loob ng bahay-kubo sa binabantayan niyang beach resort si Magboo ay sumulpot ang dalawang suspek at agad pinagbabaril ang biktima.

Mabilis na tumakas ang mga suspek nang matiyak na patay na si Magboo.

Iniimbestigahan pa ng pulisya ang motibo ng mga suspek sa pamamaslang sa biktima.