Bebot binoga ng riding-in-tandem
BULGAR
Dec 15, 2022
1 min read
@Balitang Probinsiya | December 15, 2022
COTABATO CITY—Sugatan ang isang babae nang barilin ng riding-in-tandem kamakalawa sa Bgy. Poblacion 6.
Ang biktimang nagtamo ng mga tama ng bala sa likod ay nakilala lang sa alyas na Baican, nasa hustong gulang at nakatira sa nasabing lungsod.
Nabatid na nakaangkas umano si "Baican" sa motorsiklo nang sumulpot ang dalawang hindi kilalang lalaki na nakasakay din sa motorsiklo at agad pinagbabaril ang biktima.
Matapos ang pamamaril ay tumakas ang dalawang suspek.
Ginagamot na sa ospital ang biktima, samantalang pinaghahanap pa ng pulisya ang mga suspek.
Comments