Bawal ang tamad sa LGUs lalo sa gitna ng bagyo

by Info @Editorial | July 9, 2026

Habang binabantayan ang Bagyong Inday, kailangang ipakita ng bawat LGU o local government unit na hindi sila naghihintay ng huling oras bago kumilos. 

Dapat malinaw na ang evacuation plan, handa na ang relief goods, bukas at ligtas ang evacuation centers, at nakaantabay ang rescue at medical teams.

Hindi sapat ang simpleng paalala sa publiko. Kailangang may mabilis na impormasyon sa bawat barangay, lalo na sa mga lugar na madaling bahain, gumuho, o tamaan ng malakas na hangin. 

Ang mga residente ay dapat alam kung kailan lilikas, saan pupunta, at sino ang tatawagan sa oras ng emergency.

Sa harap ng anumang bagyo, ang maagap na paghahanda ang tunay na sukatan ng pamumuno. Hindi dapat reactive ang LGU—dapat handa na bago pa lumala ang panahon. Sa ganitong mga oras, buhay ng mamamayan ang nakataya.