Batang lalaki patay sa sagasa ng kotse
- BULGAR
- Oct 27, 2022
- 1 min read
@Balitang Probinsiya | October 27, 2022
PALAWAN—Isang 3-taong gulang na batang lalaki ang namatay nang aksidenteng masagasaan ng kotse kamakalawa sa Bgy. Calasaguen, Brooke's Point.
Dahil menor-de-edad ay hindi na pinangalanan ng pulisya ang biktima.
Ayon sa ulat, naglalaro umano sa gilid ng kalsada ang biktima nang bigla itong tumawid, kaya nasagasaan ng kotseng minamaneho ni Jem Dagunan, nasa hustong gulang at nakatira sa nabanggit na lalawigan.
Kaagad namang dinala ng mga saksi ang biktima sa ospital, pero idineklara itong dead-on-arrival.
Nahaharap si Dagunan sa kasong reckless imprudence resulting to homicide.
Comments