Batang lalaki, natagpuang patay sa palaisdaan

@Balitang Probinsiya | January 06, 2022

NUEVA ECIJA—Isang batang lalaki ang natagpuang patay habang nakalutang sa palaisdaan kamakalawa sa Brgy. Concepcion, Cabiao.

Dahil menor-de-edad ay hindi na pinangalanan ng pulisya ang biktimang edad 8, nakatira sa nabanggit na barangay.

Nabatid na ilang residente ang nakatagpo sa bangkay ng biktima na nakalutang sa nasabing palaisdaan.

Huli umanong nakitang buhay ang biktima habang naglalaro malapit sa palaisdaan.

May hinala ang mga awtoridad na nahulog ang biktima sa palaisdaan at hindi ito marunong lumangoy kaya nalunod at namatay.