Batang lalaki, nalunod sa ilog

@Balitang Probinsiya | December 23, 2021

CAPIZ—Isang 11-anyos na batang lalaki ang nalunod kamakalawa sa ilog na sakop ng Bgy. Salocon, Panitan.

Ang biktima ay kinilala lang ng pulisya sa pangalang “Debdeb”, nakatira sa naturang barangay.

Ayon sa ulat, naligo umano si “Debdeb” sa ilog kasama ang kanyang mga kaibigan, pero napagawi umano ito sa malalim na bahagi ng tubig kaya nalunod.

Nabatid na agad sumaklolo ang mga residente, pero hindi agad natagpuan sa ilog ang biktima.

Napag-alamang dumating na rin ang rescue team ng lokal na pamahalaan at patuloy pang hinahanap sa ilog ang nalunod na biktima.