Batang babae todas sa SUV
BULGAR
Nov 29, 2022
1 min read
@Balitang Probinsiya | November 29, 2022
RIZAL—Isang 12-taong gulang na batang babae ang namatay nang aksidenteng mabangga ng SUV (Sports Utility Vehicle) kamakalawa sa national highway ng Bgy. Pinugay, Baras.
Ang biktima ay kinilala ng pulisya na si Nicole Lejano, residente ng naturang barangay.
Ayon sa ulat, habang tumatawid sa kalsada si Lejano ay aksidente itong nabangga ng SUV na minamaneho ni James Roldan, nasa hustong gulang.
Napag-alamang nagtamo ng malaking pinsala sa ulo ang biktima dahilan kaya ito namatay.
Kusang sumuko naman sa pulisya si Ronald na nahaharap sa kasong reckless imprudence resulting to homicide.
Comments